Gürcüstanda “Xarici agentlərin qeydiyyatı haqqında" qanunda nəzərdə tutulmuş öhdəliklərin yerinə yetirilməməsinə və ya lazımınca yerinə yetirilməməsinə görə cinayət məsuliyyəti müəyyən ediləcək.

APA-nın Tbilisi müxbiri yerli KİV-ə istinadən xəbər verir ki, hakim “Gürcü Arzusu”nun təqdim etdiyi və ABŞ-də qüvvədə olan FARA (Xarici Agentlərin Qeydiyyatı Aktı) qanununun sözbəsöz tərcüməsi olduğu bildirilən qanun layihəsi ilə bağlı Cinayət Məcəlləsinə dəyişiklik nəzərdə tutulub.

Təklifə əsasən “Xarici agentlərin qeydiyyatı haqqında qanun”un pozulmasına görə cərimə və ya 5 ilədək azadlıqdan məhrumetmə cəzası nəzərdə tutulur.

Qeyd edək ki, ötən il etirazlar fonunda qəbul edilmiş “Xarici təsirin şəffaflığı haqqında” qanunda nəzərdə tutulan tələblərə əməl edilməməsinə görə inzibati cərimələr nəzərdə tutulur.

Oxşar xəbərlər

Gürcüstanda FARA qanunu müzakirəyə çıxarılır

ABŞ-nin “xarici agentlər”lə bağlı qanunu Gürcüstan parlamentində müzakirəyə çıxarılacaq

Gürcüstanın hakim partiyası “xarici agentlər” qanununun daha sərt versiyasını qəbul edəcək

Gürcüstanda "Xarici agentlər" qanunu bu gündən qüvvəyə minib

Gürcüstanda xarici agentlər haqqında yeni qanun layihəsi hazırlayır