"Gürcü Arzusu" partiyası bu həftə ABŞ-də qüvvədə olan FARA (Foreign Agents Registration Act) qanununa oxşar təşəbbüs irəli sürəcək.

"Sizinxeber.az" yerli KİV-ə istinadən xəbər verir ki, bunu Gürcüstanda hakim partiyanın icraçı katibi Mamuka Mdinaradze brifinqdə bildirib.

Xatırladaq ki, Gürcüstanda xarici agentlər haqqında qanun 2024-cü ilin mayında qəbul edilib. ABŞ-dən fərqli olaraq, bu qanun fiziki şəxslərə aid deyil. O, gəlirlərinin 20 %-dən çoxu xaricdən daxil olan qeyri-kommersiya hüquqi şəxsləri və KİV-lərə aiddir. Bu cür təşkilatlar hər il yanvar ayında Ədliyyə Nazirliyinə gəlir və xərcləri barədə bəyannamə təqdim etməlidirlər. Bu öhdəliyi yerinə yetirmədikləri təqdirdə cərimələnəcəklər.

ABŞ-də qüvvədə olan xarici agentlər haqqında qanun cərimədən əlavə beş ilədək həbs cəzası da nəzərdə tutur.

Oxşar xəbərlər

Gürcüstanda 230-dan çox QHT “xarici agentlər” haqqında qanun çərçivəsində qeydiyyatdan keçmək üçün müraciət edib

Salome Zurabişvili "xarici agentlər" haqqında qanuna veto qoyacaq

Stoltenberq Gürcüstanda "Xarici agentlər haqqında" qanunun yenidən təqdim edilməsinə qarşı çıxıb

Gürcüstanda xarici agentlər haqqında qanuna dəyişikliklər edilə bilər

ABŞ Senatının rəsmisi: “Gürcü arzusu” Avropaya inteqrasiyadan uzaqlaşıb