Bu həftə Litva Ukrayna Silahlı Qüvvələrinə elektrik generatorları, M113 zirehli maşınları üçün ehtiyat hissələri, müxtəlif növ silahlar və onların hissələri təhvil verib.

APA xəbər verir ki, bu barədə noyabrın 24-də Litva Respublikasının Sahil Mühafizəsi Nazirliyi öz saytında məlumat yayıb.

“Ukraynadan gələn müraciətlərə cavab olaraq, bu il Litva artıq 155 mm-lik döyüş sursatı, M113 zirehli maşınları, pilotsuz uçuş aparat sistemləri, qış mövsümü üçün lazım olan avadanlıq və isti geyim dəstləri, “Karl Qustav” tank əleyhinə qumbaraatan üçün sursat, uzaqdan partlatma avadanlığı, RISE-1 sistemləri, generatorlar, yükləyicilər, qoşqular, çarpayılar və digər əlaqəli avadanlıqlar tədarük edib”, - açıqlamada deyilir.

Departamentin məlumatına görə Litva Ukraynaya 705 milyon avrodan çox hərbi dəstək verib.

Oxşar xəbərlər

Litva Rusiya ilə sərhədə tank əleyhinə “əjdaha dişləri” quraşdırıb

Litva Ukrayna üçün HHM sistemləri almaq niyyətindədir

Litva Ukraynaya növbəti dəfə hərbi yardım edib

Finlandiya Ukrayna üçün sursat alınmasına 30 milyon avro ayıracaq

Litva Prezidenti Kiyevə gedib