Filippində zəlzələ nəticəsində ölənlərin sayı 45-ə çatıb

Filippinin cənub hissəsində baş vermiş 7,8 maqnitudalı zəlzələ nəticəsində ölənlərin sayı 45-ə çatıb.

"Report" xəbər verir ki, bu barədə yerli media məlumat yayıb.

Təbii Fəlakətlərin İdarə Olunması üzrə Milli Şuranın məlumatına görə, qeydə alınmış ölüm hallarının 33-ü Sokkssargen regionunda, 12-si isə Davao regionunda baş verib.

Bundan əlavə, zəlzələ nəticəsində 554 məktəb, 3 100-dən çox ev, 29 yol, 11 körpü və 100-dən çox hökumət binası zədələnib.