Almaniyanın qərbindəki Haylerkirhen şəhərindəki (Şimali Reyn-Vestfaliya) aviabaza mümkün təxribat şübhələrinə görə bağlanıb.

Sizinxeber.az xəbər verir ki, bu barədə “Süddeutsche Zeitung” qəzeti ərazi komandanlığının nümayəndəsinə istinadən məlumat yayıb.

Onun sözlərinə görə, kazarmalar da bağlanıb. Ərazidə içməli suyun mümkün çirklənməsini yoxlamaq üçün araşdırma aparılır. Bazanın öz su təchizatı var.

Xatırladaq ki, NATO-nun kəşfiyyat təyyarələri Haylerkirhen aviabazasında yerləşir.

Bundan əvvəl “Der Spiegel” jurnalı Köln şəhərinin ərazisində Bundesver kazarmasının tam möhürləndiyini, hərbi hissənin ərazisindəki su xəttinin çirklənmiş ola biləcəyini, Almaniya hüquq-mühafizə orqanlarının bunun təxribat olub-olmadığını yoxladığını bildirmişdi.

Oxşar xəbərlər

Almaniyada naməlum şəxs xəstəxanada bir neçə nəfəri girov götürüb

Xavyer Kolomina yeni vəzifəyə təyin olunub

Latviyada nüvə silahının yerləşdirilməsinə dair petisiya başladılıb

Blinken: “İsveç tezliklə NATO-ya üzv olacaq”

Türkiyə XİN Əl-Əqsa məscidində baş verən hadisə ilə bağlı bəyanat verib