Ədalətsizliyini və məzmununu nəzərə alsaq, Avropa Parlamentinin qətnaməsinin bizim üçün heç bir dəyəri yoxdur.

Sizinxeber.az-nın Tbilisi müxbiri xəbər verir ki, bunu Gürcüstanın Baş naziri İrakli Kobaxidze jurnalistlərə açıqlamasında deyib.

Kobaxidze Avropa Parlamentinin bu vaxtadək Gürcüstana qarşı 5 qətnamə qəbul etdiyini və bunların hər birinin digərindən daha az ciddi olduğunu qeyd edib.

Hökumət başçısı sabahkı qətnamənin “6-cı mənasız qətnamə” olacağını qeyd edib.

“Bu layihə əvvəlki qətnamələr kimi bizim üçün tamamilə mənasızdır və onlar bizim xalqımızın reallığını əks etdirmir. Reallıq budur ki, Gürcüstan demokratiya ilə idarə edilir və müxalifət mahiyyətcə anti-demokratikdir. Lakin siz gördüyünüz kimi, AP-nin qətnaməsi radikal müxalifəti, radikalizmi və ABŞ-nin yeni administrasiyasının bu gün açıq şəkildə tənqid etdiyi hər şeyi dəstəkləyir”, - Kobaxidze deyib.

Qeyd edək ki, Avropa Parlamentində fevralın 13-də Gürcüstanla bağlı növbəti qətnamə səsə qoyulacaq.

Oxşar xəbərlər

“Gürcü Arzusu” partiyası Avropa Parlamentinin qətnaməsini Gürcüstanın daxili işlərinə kobud müdaxilə adlandırıb

“Gürcü Arzusu” partiyası Avropa Parlamentinin qəbul etdiyi qətnaməni Gürcüstanın daxili işlərinə kobud müdaxilə adlandırıb

Kobaxidze: Gürcüstan parlamentinin müxalifətin legitimliyinə ehtiyacı yoxdur, onu gürcü xalqı verib

Kobaxidze: Gürcüstanın məqsədi 2030-cu ilə qədər Aİ üzvü olmaqdır

Kobaxidze: Gürcüstanda “Maydan” olmayacaq