Danimarkada Liberal Partiyasının (“Venstre”) lideri, baş nazirin səlahiyyətlərini müvəqqəti icra edən və müdafiə naziri Troels Lund Poulsen yeni hökumətin formalaşdırılması ilə bağlı razılıq əldə edə bilməyib.

Bu barədə “Ritzau” agentliyi məlumat yayıb.

Poulsenə hökumət qurmaq üçün 14 gün vaxt verilmişdi. Lakin Mülayimlər Partiyasının lideri və xarici işlər nazirinin səlahiyyətlərini icra edən Lars Løkke Rasmussen əvvəllər razılaşdırıldığı bildirilən “Venstre”, “Liberal Alyans” və Mühafizəkarlar Partiyasından ibarət koalisiyanı dəstəkləməyəcəyini açıqlayıb.

Poulsen bildirib ki, bu səbəbdən o, kral Frederik X-ə mandat çərçivəsində hökumət qurmağın mümkün olmadığını məruzə edəcək.

Xatırladaq ki, martın 24-də keçirilən parlament seçkilərindən sonra Sosial-Demokrat Partiyasının lideri Mette Frederiksen də altı həftə davam edən danışıqlarda uğur qazana bilməmişdi.

Oxşar xəbərlər

Danimarkada yeni hökuməti formalaşdırmaq mümkün olmayıb

Kanadanın baş naziri Liberal Partiyasının lideri vəzifəsindən istefa verib

Bu gün Gürcüstan parlamentində hökumətin tərkibinə etimad səsverməsi keçiriləcək

Kanadada keçirilən parlament seçkilərində iqtidarda olan Liberal Partiya liderdir

Kanadanın hakim Liberal Partiyasının yeni lideri martın 9-da seçiləcək