ABŞ-nin milli kəşfiyyatının direktoru Tulsi Qabbard vəzifəsindən ayrılmazdan əvvəl bir neçə səs-küylü araşdırmanın nəticələrini açıqlamaq niyyətindədir.

"Sizinxeber.az"un məlumatına görə, bu barədə "The Daily Wire" mənbələrə istinadən xəbər verib.

Məlumata görə, Qabbard Rusiyanın 2016 və 2020-ci illərdə ABŞ-də prezident seçkilərinə müdaxiləsi iddiası, eləcə də COVID-19 pandemiyası zamanı ABŞ-də baş verən "anomal hadisələr"lə bağlı araşdırmaların nəticələrini açıqlamağı planlaşdırır.

Bundan əlavə, söhbət Pentaqonun "Havana sindromu"ilə əlaqəli ola biləcəyi iddia edilən gizli silahların inkişafı ilə bağlı materiallardan gedir.

Mənbələr həmçinin iddia edir ki, Qabbard ABŞ-nin keçmiş prezidenti Con Kennedi, qardaşı Robert Kennedi və hüquq müdafiəçisi Martin Lüter Kinqin qətlləri ilə bağlı materiallar da daxil olmaqla 500 000-dən çox hökumət sənədinin məxfiliyinin açılmasına nəzarət edib.

Daha əvvəl "Fox News" Qabbardın nadir sümük xərçəngi xəstəliyi diaqnozu qoyulmuş ərini dəstəkləmək üçün istefa verdiyini bildirib. ABŞ Prezidenti Donald Tramp onun 30 iyunda vəzifəsindən gedəcəyini təsdiqləyib.

Oxşar xəbərlər

ABŞ Senatı Tulsi Qabbardı Milli Kəşfiyyatın direktoru vəzifəsinə təsdiq edib

ABŞ bu həftə Rusiyanın 2016-cı il seçkilərinə müdaxiləsi ilə bağlı yeni məlumatları açıqlayacaq

KİV: Tramp MKİ-nin Rusiya üzrə analitikini işdən çıxarıb

ABŞ hökuməti 60 ildən sonra Kennedinin işi ilə bağlı materialları açıqlayıb

ABŞ Martin Lüter Kinqin qətli ilə bağlı 230 mindən çox sənədin məxfiliyini ləğv edib