Yaponiya hökuməti ABŞ-la gömrük tarifləri üzrə aparılan danışıqlarda güclü "rıçaq" kimi Vaşinqtonun dövlət istiqrazlarına malik olmasını nəzərdən keçirir.

APA xəbər verir ki, bu barədə ölkənin maliyyə naziri Katsunobu Kato milli televiziyanın efirində bəyan edib.

“Yaponiya ABŞ-ın dövlət istiqrazlarına sahibdir, bu bir faktdır. Bizim bütün kartlarımızı masaya qoyaraq danışıqlar aparmağımız tamamilə təbiidir”, – deyə Kato bildirib.

Nazirin sözlərinə görə, Tokio Tramp administrasiyasına təsir göstərmək üçün ABŞ maliyyə bazarlarının sabitliyinə təsir imkanlarından istifadə edə bilər.

Qeyd edək ki, Yaponiya ABŞ dövlət istiqrazlarının ən böyük sahibidir – bu ölkənin portfelində 1 trilyon dollardan çox dəyərində qiymətli kağız var. Siyahının ikinci pilləsində isə 759 milyard dollarla Çin qərarlaşıb.

Oxşar xəbərlər

Yaponiya ABŞ-ın rüsum siyasətinə cavab vermək niyyətindədir

Yaponiya Rusiya ilə sülh müqaviləsi bağlamaq niyyətindədir

Ötən il Azərbaycanla Yaponiya arasında ticarət dövriyyəsi 428 milyon dollar olub

Belarusda Yaponiya kəşfiyyatının əməkdaşı saxlanılıb

Yaponiya hava məkanını pozan Çinə görə döyüş təyyarələri qaldırıb