Livan və İsrail arasında atəşkəs razılaşması ABŞ-Fransa təşəbbüsünə uyğun olaraq yerli vaxtla saat 04:00-da qüvvəyə minib.

APA xəbər verir ki, bu haqda “Əl Nahar” qəzeti məlumat yayıb.

Sənəd Livan ordusunun bölmələrinin BMT-nin Livandakı Müvəqqəti Qüvvələrinin dəstəyi ilə cənub sərhədi boyunca mərhələli şəkildə yerləşdirilməsini nəzərdə tutur.

Razılaşmaya uyğun olaraq İsrail ordusu da tədricən qoşunlarını Livanın cənubundan çıxaracaq.

Nəşrin məlumatına görə, Livan hakimiyyəti ölkədə qeyri-qanuni silahlı birləşmələrin fəaliyyətinin və qaçaqmalçılıq yolu ilə onlara silah verilməsinin qarşısını almağı öhdəsinə götürəcək.

Silah və sursat istehsalı ilə məşğul olan bütün qanunsuz obyektlər söküləcək, silah ehtiyatları müsadirə olunacaq.

Oxşar xəbərlər

İsrail ordusu Suriya-Livan sərhədinə zərbələr endirib

İsrail ordusu Livan ərazisinə daxil olub

İsrail ordusu Livan ərazisinə aviazərbələr endirib

KİV: ABŞ İsrail və Hizbullah arasında müvəqqəti atəşkəs planı hazırlayır

KİV: Bu həftə İsrail Livanda hərbi əməliyyatlara başlaya bilər