İranın xarici işlər naziri Abbas Əraqçi ölkəsinə qarşı istənilən düşmənçilik addımının dərhal və qəti şəkildə cavablandırılacağını bəyan edib.

Sizinxeber.az-nın Tehran bürosunun məlumatına görə, Əraqçi bu barədə "X" sosial şəbəkəsində paylaşımında bildirib.

Nazirin sözlərinə görə, İran Silahlı Qüvvələrinin həyata keçirdiyi əməliyyatlar özünümüdafiə xarakteri daşıyır və ABŞ-ın mülki gəmiçiliyə qarşı hücumlar, eləcə də atəşkəs rejiminin pozulması üçün istifadə etdiyi məkanlara yönəlib.

“İrana qarşı istənilən düşmənçilik addımı dərhal və qəti cavabla qarşılanacaq. Sanksiyalar və hərbi əməliyyatlarla əldə olunmayan nəticələrə yeni müharibə yolu ilə nail olmaq da mümkün olmayacaq”, – deyə İran XİN rəhbəri vurğulayıb.

Qeyd edək ki, ABŞ dövlət katibi Marko Rubio Konqresdə keçirilən dinləmələr zamanı Yaxın Şərqdəki tərəfdaş ölkələrin Vaşinqtonla əməkdaşlığına toxunaraq, Birləşmiş Ərəb Əmirlikləri və Küveytin ABŞ-la fəal əməkdaşlıq etdiyini bildirib.

Oxşar xəbərlər

Əraqçi: Tehran yalnız ABŞ-ın İrana hücumlar üçün istifadə etdiyi bazalara zərbə endirir

Lavrov Əraqçi ilə İran-İsrail münaqişəsini müzakirə edib

Əraqçi: ABŞ-ın hücumundan əvvəl İran nüvə məsələsində güzəştlərə hazır idi

IDF: İsrail İrana qarşı ən dərin hava zərbəsini endirib

Çin BMT Təhlükəsizlik Şurasından dərhal atəşkəs çağırışı ilə bağlı qətnamə qəbul etməsini gözləyir