Livanı xilas etmək üçün “Hizbullah” silahsızlaşdırılmalı və ölkə hərbsizləşdirilməlidir.

Bunu İsrailin Baş naziri Benyamin Netanyahu CNBC telekanalına müsahibəsində deyib.

“Əgər Livanı xilas etmək və Livan-İsrail sülhünə nail olmaq istəyiriksə — mən bunu istəyirəm — biz “Hizbullah”ı silahsızlaşdırmalı və Livanı hərbsizləşdirməliyik”, - Baş nazir vurğulayıb.

O qeyd edib ki, bu məsələ ilə bağlı ABŞ Prezidenti Donald Trampla eyni mövqeni bölüşür: “Bu, Trampın və mənim paylaşdığımız məqsəddir”.

Netanyahu “Hizbullah” və HAMAS-ın hədəfinin İsrail olduğunu bildirib: “Bu soyqırımı törədən terrorçuların Livanı ələ keçirməsinə və həmin ölkədən İsrailə qarşı istifadə etməsinə imkan vermək olmaz. HAMAS bizə hücum etdiyi, mülki şəxslərimizi öldürdüyü, kişilərimizi qətlə yetirdiyi və qadınlarımızı zorladığı kimi, onlar da Livandan İsrailə hücum etməyə çalışırlar. Heç bir ölkə bunu qəbul etməz”.

Oxşar xəbərlər

Baş nazir: İsrail “Hizbullah”la mübarizəni dayandırmayacaq

Netanyahu: İsrail ordusu Livanın cənubunda qalacaq

İtaliya vətəndaşlarını Livanı tərk etməyə çağırıb

Tramp İsrail və “Hizbullah” arasında atəşkəs razılaşması əldə olunduğunu açıqlayıb

Netanyahu Almaniyanın İsrailə silah tədarükünə qoyduğu qadağanı “terrorizmin təşviqi” adlandırıb