Azərbaycanın Bəhreynə təyin olunmuş səfiri Cavidan Hüseynov etimadnaməsinin surətini Bəhreynin xarici işlər naziri Əbdüllətif bin Rəşid əl-Zəyaniyə təqdim edib.

"Sizinxeber.az" xəbər verir ki, bu barədə Bəhreyn Xarici İşlər Nazirliyi (XİN) məlumat yayıb.

Görüş zamanı Bəhreynin XİN rəhbəri yeni təyin olunmuş azərbaycanlı diplomatı salamlayıb və ona uğurlar arzulayıb. Əl-Zəyani, həmçinin Bəhreynin Azərbaycanla dostluq münasibətlərinin və əməkdaşlığın daha da möhkəmləndirilməsində maraqlı olduğunu təsdiqləyib.

Öz növbəsində C. Hüseynov bu vəzifəyə təyin olunmasından məmnunluğunu ifadə edib və Azərbaycan-Bəhreyn münasibətlərinin müxtəlif sahələrdə inkişafının müsbət dinamikasını qeyd edib. O, ikitərəfli əməkdaşlığın daha da genişləndirilməsi üçün səylər göstərməyə hazır olduğunu vurğulayıb.

Oxşar xəbərlər

Slovakiya səfiri etimadnaməsinin surətini Azərbaycan XİN-ə təqdim edib

Böyük Britaniyanın yeni səfiri etimadnaməsinin surətini İran XİN rəhbərinə təqdim edib

Ceyhun Bayramov Sudanın yeni təyin olunmuş səfiri ilə görüşüb

Bəhreyn vəliəhdi: Azərbaycanla əlaqələrin möhkəmləndirilməsində maraqlıyıq - YENİLƏNİB

Ceyhun Bayramov İsrailin yeni təyin olunmuş səfiri ilə görüşüb