ABŞ ilə Azərbaycan arasında münasibətlər Birləşmiş Ştatlar üçün əsas prioritetlərdən biridir.

"Report"un məlumatına görə, bu barədə ABŞ dövlət katibinin iqtisadi, enerji və biznes məsələləri üzrə köməkçisi Kaleb Orr Bakıda birinci Azərbaycan-ABŞ İqtisadi Dialoqu çərçivəsində keçirilən mətbuat konfransında bəyan edib.

"ABŞ və Azərbaycan arasındakı münasibətlər Birləşmiş Ştatlar və Tramp administrasiyası üçün əsas prioritetlərdən biridir, çünki biz Cənubi Qafqaz regionunda yeni sülh dövrü açmağa çalışırıq", - o bildirib.

Orr səmimi qəbula görə Azərbaycan Prezidenti İlham Əliyevə və iqtisadiyyat naziri Mikayıl Cabbarova, eləcə də bütün Azərbaycan nümayəndə heyətinə minnətdarlığını bildirib.

"Münasibətlərimiz fəal şəkildə inkişaf edir və bu, yalnız başlanğıcdır. Səfərim zamanı Azərbaycana investisiya qoyan ABŞ şirkətlərinin nümayəndələri ilə ünsiyyətdə oldum və gələcəkdə ölkədə biznesin daha da genişləndirilməsi üçün mövcud imkanlar barədə eşitdim", - o qeyd edib.

Oxşar xəbərlər

ABŞ Dövlət Departamenti: Azərbaycan ABŞ-də enerji sektoruna investisiyaları artıra bilər

Kaleb Orr: Bakı və Vaşinqton ikitərəfli ticarətin genişləndirilməsinə sadiqdir

Kaleb Orr: Azərbaycan regionun enerji təhlükəsizliyində mühüm rol oynayır

Kaleb Orr: ABŞ və Azərbaycan dəyəri 8 milyard dollardan çox olan kommersiya sazişləri imzalayıb

Azərbaycan-ABŞ İqtisadi Dialoqunun ilk iclası keçiriləcək