ABŞ-nin Ayova ştatının Maskatin şəhərində baş verən atışmada şübhəli bilinən atıcı da daxil olmaqla azı yeddi nəfər ölüb.

"Report"un məlumatına görə, bu barədə yerli polis idarəsi xəbər yayıb.

Hüquq-mühafizə orqanlarının məlumatına görə, ilkin araşdırma atışmanın məişət münaqişəsi ilə əlaqəli ola biləcəyini göstərir və bütün ölənlərin şübhəlinin qohumları olduğu güman edilir.

Bildirilir ki, polisə atışma barədə zəng yerli vaxtla təxminən saat 12:12-də daxil olub. Polislər hadisə yerinə çatdıqdan sonra dörd nəfərin meyitini aşkar ediblər. Daha sonra daha iki qurbanın da meyiti aşkarlanıb.

Hadisəni törətməkdə şübhəli bilinən 52 yaşlı Rayan Makfarland ərazidən qaçıb, sonra güllə yarası ilə tapılıb, onun özünə qəsd etdiyi güman olunur.

Polis hadisənin səbəbləri ilə bağlı araşdırmaları davam etdirir.

Oxşar xəbərlər

ABŞ-də baş verən atışmada 3 nəfər ölüb

ABŞ-də baş verən atışmada dörd nəfər ölüb

ABŞ-də atışma zamanı iki nəfər ölüb, xəsarət alanlar var

ABŞ-da yeniyetmə dörd nəfəri güllələyərək öldürüb

ABŞ-nin Luiziana ştatında atışmada azı səkkiz uşaq ölüb, yaralananlar var