Türkiyə prezidenti Rəcəb Tayyib Ərdoğan Venesuela prezidenti Nikolas Maduro ilə telefonla danışıb.

APA xəbər verir ki, bununla bağlı məlumatı Prezident Administrasiının mətbuat xidməti yayıb.

Məlumatda telefon danışığı zamanı Türkiyə ilə Venesuela arasında ikitərəfli əlaqələr, regional və qlobal məsələlərin müzakirə edildiyi bildirilir.

Ərdoğan danışıq zamanı həmçinin Venesuelada keçirilən seçkilərin faydalı olacağına inandığını, Türkiyənin Venesueladakı dialoq prosesini dəstəkləməyə davam edəcəyini bildirib.

Ərdoğan Venesuelanın İsrail zülmünə qarşı Fələstinə verdiyi dəstəyi yüksək qiymətləndirdiyini söyləyib.