Suriyanın Süveyda bölgəsində yenidən toqquşmalar başlayıb.

APA-nın xəbərinə görə, bu barədə Suriyanın “Ekhbariya TV” dövlət telekanalı məlumat yayıb.

Qeyd edilib ki, ötən gecə Süveydada təhlükəsizlik qüvvələrinə hücum olub. Nəticədə 1 nəfər ölüb, yaralılar var.

Xatırladaq ki, Süveydada 13 iyul tarixində Bədəvi ərəblərlə bəzi Dürzi qruplar arasında silahlı toqquşmalar başlayıb. Müdaxilə üçün bölgəyə gələn Suriya təhlükəsizlik qüvvələri pusquya salınıb.

Genişlənən qarşıdurmalar atəşkəslə dayandırılsa da, Hikmət əl-Həcriyə bağlı Dürzi qüvvələri atəşkəsi pozub.

İsrail ordusu 16 iyulda Suriya Prezident Aparatı, Baş Qərargah və Müdafiə Nazirliyini hədəfə alıb.

Suriya ordusu Süveydadan geri çəkildikdən sonra Həcri qrupu Bədəvi ailələri məcburi köçürməyə və edamlara başlayıb. Xaricdən minlərlə döyüşçü Bədəvi ərəblərə dəstək üçün bölgəyə gəlib.

İyulun 20-də Suriyanın Əs-Suveyda şəhərində silahlı qarşıdurmalar tamamilə dayandırılmışdı.

İyulun 13-dən 20-nə qədər toqquşmalar nəticəsində 1 339 nəfər həyatını itirib. Ölənlərdən 657 nəfəri Suveyda əyalətinin sakinləri, 464 nəfər müdafiə və daxili təhlükəsizlik qüvvələrinin əməkdaşları olub.

Oxşar xəbərlər

Suriyanın Süveyda vilayətindən 26 nəfərin cənazəsi gətirilib, 360 mülki şəxs təxliyə olunub

Suriya ordusu ilə Əsəd tərəfdarları arasında toqquşmalarda 70-dən çox ölən var

İsrail müdafiə naziri: Suriya hökumət qüvvələrinə zərbələr davam edəcək

Suriya ordusu üsyançıların hücumlarını dəf etdiyini bildirib - YENİLƏNİB

İsrail ordusu Livanla sərhəddə Suriyanın hərbi infrastrukturuna zərbələr endirib