İraqın paytaxtı Bağdadda və ölkənin cənub bölgələrində havanın temperaturu kölgədə 51 dərəcəyə yüksəlib.

APA xəbər verir ki, bu barədə İraqın Milli Meteorologiya Xidməti məlumat yayıb.

46 milyon əhalisi olan İraqda su qıtlığı və tez-tez baş verən elektrik kəsintiləri belə havalarda daha ciddi problemlər yaradır. Məlumata əsasən, hazırda ölkənin su anbarlarının doluluq səviyyəsi cəmi 8 faizdir.

Ölkənin Su Resursları Nazirliyi cari ilin 1933-cü ildən bəri ən quraq il olduğunu açıqlayıb.

Milli Meteorologiya Xidməti çərşənbə günü temperaturun bir qədər enəcəyini proqnozlaşdırır.

Qeyd edək ki, son günlərdə İran və Türkiyədə də havanın temperaturu kəskin şəkildə artıb.

Oxşar xəbərlər

Həftə sonu havanın temperaturu yüksələcək

Bəzi rayonlarda havanın temperaturu 39 dərəcəyə çatıb - FAKTİKİ HAVA

Avropada anomal istilərə görə “qırmızı” təhlükə səviyyəsi elan edilib

Hava sabitləşəcək, yağıntı kəsiləcək

Fevral ayına olan hava proqnozu açıqlanıb