Fransa Milli Meteorologiya Xidməti Paris və ölkənin 15 mərkəzi departamenti üçün maksimum, “qırmızı” təhlükə səviyyəsi elan edib.

“Sizinxeber.az” xarici mətbuata istinadən xəbər verir ki, ölkənin daha 68 bölgəsində “narıncı” xəbərdarlıq edilib.

Sinoptiklərin proqnozuna görə, risk zonasında havanın temperaturu 38-41 dərəcəyə çatacaq, ölkənin əksər ərazilərində isə 34 dərəcədən yuxarı olacaq. Bazar ertəsi gecəsi bütün müşahidələr tarixində iyun ayının ən istisi olub, termometrlər 28 dərəcədən aşağı düşməyib.

Meteorologiya xidməti bildirib ki, qırmızı səviyyə əhalinin bütün qrupları üçün təhlükəli olan ekstremal və uzunmüddətli isti dalğası deməkdir. Hakimiyyət artıq ehtiyat tədbirləri görüb. Belə ki, ölkə üzrə 200 məktəb müvəqqəti olaraq bağlanacaq.

İspaniyada yaxın iki gün ərzində gündüz temperaturu 40 dərəcədən yuxarı qalacaq, gecə isə ən azı 25 dərəcəyə çatacaq. Şənbə günü İspaniyanın El Qranado şəhərində ölkədə iyun ayı üçün rekord yüksək temperatur qeydə alınıb - 46 dərəcə. Bundan əvvəlki rekord 1965-ci ildə Sevilya şəhərində temperaturun 45,2 dərəcəyə qalxdığı vaxt qeydə alınıb.

Portuqaliyanın 18 əyalətindən yeddisində, İtaliyanın isə 20-dən çox şəhərində istilərə görə “qırmızı” təhlükə səviyyəsi elan edilib. Londonda havanın temperaturu bazar ertəsi günü 29,7 dərəcəyə yüksələrək 2001-ci ildə təyin edilmiş rekord temperaturu 29,3 dərəcəni keçib.

Oxşar xəbərlər

İsveçdə sentyabrda havanın tempraturu ilk dəfə 30 dərəcədən yuxarı olub

İspaniya Milli Meteorologiya Xidməti ən yüksək hava xəbərdarlığı elan edib

Sabah havanın temperaturu 31 dərəcə isti olacaq

Aprel ayının son günü havanın temperaturu 21 dərəcəyədək artacaq

Şənbə günü havanın temperaturu 24 dərəcəyədək artacaq