İsrailin zərbəsi nəticəsində SEPAH-ın yeddi hərbçisi həlak olub

İsrailin İranın şərqində yerləşən Yəzd vilayətinə endirdiyi hava zərbəsi nəticəsində İslam İnqilab Keşikçiləri Korpusunun (SEPAH) daha yeddi hərbçisi həlak olub.

APA xəbər verir ki, bu barədə “Fars” agentliyi məlumat yayıb.

Məlumata görə, SEPAH üzvləri ilə yanaşı, iki çağırışçının da həyatını itirdiyi bildirilir.

Hadisənin təfərrüatları açıqlanmır.

“ISNA” agentliyinin məlumatına əsasən, insident nəticəsində bir neçə nəfər də yaralanıb.