Kanadada meşə yanğınlarına görə 25 mindən çox insan təxliyə edilib

Kanadanın Alberta, Manitoba və Saskaçevan əyalətlərində davam edən meşə yanğınları səbəbilə 25 mindən çox sakin evlərini tərk etməyə məcbur olub.

APA xəbər verir ki, u barədə "CTV" telekanalı məlumat yayıb.

Həmin bölgələrdə 100-dən artıq meşə yanğını qeydə alınıb. İsti və quraq hava şəraiti səbəbindən yanğınların qarşısını almaq hələlik mümkün deyil.

Yerli yanğınsöndürənlərə dəstək məqsədilə Kanadanın digər bölgələrindən xilasedicilər cəlb olunub.