"Zelenski bəyan edib ki, Ukrayna Avropa ölkələri və ABŞ ilə birlikdə 12 may tarixindən etibarən tam və şərtsiz atəşkəsin başlanması barədə razılığa gəlib".

APA xəbər verir ki, bunu ABŞ prezidentinin xüsusi nümayəndəsi Kit Kelloq “X” sosial şəbəkəsində yazıb.

O deyib ki, 30 günlük tam atəşkəs Rusiyanın Ukraynaya qarşı başladığı müharibənin başa çatmasının başlanğıcı olacaq:

“Hərtərəfli (hava, quru, dəniz, infrastruktur) atəşkəsin 30 gün müddətinə elan edilməsi, İkinci Dünya Müharibəsindən bəri Avropada baş vermiş ən böyük və ən uzunmüddətli müharibənin sona çatması prosesinin başlanğıcı olacaq,” – deyə o vurğulayıb.

Eyni zamanda, Kelloq xatırladıb ki, Donald Tramp dəfələrlə bu çağırışı səsləndirib: “Qətliamı dərhal dayandırın”.

Xatırladaq ki, bu gün Ukrayna Prezidenti Volodimir Zelenski “İstəklilər Koalisiyası” ilə görüşün nəticələrinə həsr olunmuş mətbuat konfransında bəyan edib ki, Ukrayna Avropa ölkələri və ABŞ ilə birlikdə 12 may tarixindən etibarən tam və şərtsiz atəşkəsin başlanması barədə razılığa gəlib. Bu atəşkəs ən azı 30 gün davam etməlidir.

Oxşar xəbərlər

Kelloq: Rusiya və Ukrayna arasında 30 günlük atəşkəs müharibənin sonunun başlanğıcı olacaq

Kelloq: Tramp Ukrayna və Rusiya arasında ən azı 30 günlük hərtərəfli atəşkəs istəyir

Zelenski: Ukrayna Rusiyadan 30 günlük atəşkəs tələb edir

Kelloq: Ukrayna və Rusiya tam atəşkəsə nail olmağa yaxındırlar

Ukrayna XİN rəhbəri Keyt Kelloq ilə görüşüb