ABŞ Prezidenti Donald Tramp Ukrayna ilə Rusiya arasında hərtərəfli atəşkəsin əldə olunmasını istəyir.

Sizinxeber.az xəbər verir ki, bu barədə onun xüsusi nümayəndəsi Kit Kelloq "Fox News" telekanalına müsahibəsində bildirib.

“Tramp Ukrayna ilə Rusiya arasında ən azı 30 günlük hərtərəfli atəşkəsə nail olmaq niyyətindədir”, – deyə Kelloq vurğulayıb.

Onun sözlərinə görə, hər iki tərəf arasında dənizdə, havada və quruda heç olmasa müvəqqəti atəşkəs əldə olunmalıdır.

Kelloq qeyd edib ki, bu müddət daha sonra uzadıla bilər.

“Biz görürük ki, ukraynalılar buna hazırdır. İndi sıra ruslardadır, Putindədir. Bir tərəf razıdır, indi ikinci tərəfin hazır olması lazımdır. Düşünürəm ki, biz bu məqsədə yaxınlaşırıq”, – deyə Trampın nümayəndəsi əlavə edib.

Oxşar xəbərlər

Kelloq: Ukrayna və Rusiya tam atəşkəsə yaxınlaşıb

Kelloq: Ukrayna və Rusiya tam atəşkəsə nail olmağa yaxındırlar

Kelloq: Trampın etibarlı Ukrayna planı mövcuddur

Tramp Keyt Kelloqu Ukrayna üzrə xüsusi nümayəndə təyin edib

Ukrayna XİN rəhbəri Keyt Kelloq ilə görüşüb