ABŞ BMT, UNESCO və ÜST-ə ianələri dayandırmaq niyyətindədir

ABŞ prezidenti Donald Trampın administrasiyası ölkənin BMT, UNESCO və ÜST-ə ödəmələri dayandırmağı təklif edib.

APA xəbər verir ki, bu barədə Ağ Evin dərc etdiyi 2026-cı maliyyə ili üçün federal büdcə layihəsində deyilir.

Sənədə əsasən, Tramp administrasiyası BMT və digər beynəlxalq təşkilatlara ianələri dayandırmaqla xərcləri 1,7 milyard dollar azaltmağı təklif edir.

Bu, xüsusilə də BMT, UNESCO və ÜST-ün büdcələrinə ayrılan ianələrə aiddir.

Bundan əlavə, sənəddə BMT xətti üzrə olanlar da daxil olmaqla, sülhməramlı missiyalara maliyyə ayrılmasından imtina etməklə xərclərin 1,6 milyard dollar da azaldılması təklif olunur.