ABŞ-nin yeni seçilmiş prezidenti Donald Tramp Ukraynadakı müharibənin həllində artıq irəliləyiş əldə etdiyini deyib.

Sizinxeber.az xəbər verir ki, Tramp bu barədə Mar-a-Laqodakı iqamətgahında çıxışı zamanı bildirib.

O, münaqişəyə son qoymaq üçün çox çalışdığını deyib.

"Biz çox çalışırıq. Bu, çətin bir işdir, lakin biz müəyyən irəliləyiş əldə edirik", - deyə o bildirib.

Bundan əlavə, Tramp Ukraynadakı vəziyyətin həlli ilə bağlı həm Vladimir Zelenski, həm də Vladimir Putinlə əlaqə saxlamaq niyyətində olduğunu açıqlayıb.

Tramp həmçinin əlavə edib ki, hər iki tərəfdən itkilər rəsmi olaraq bildiriləndən daha çoxdur və o, hər həftə məsələ ilə bağlı hesabat alır.

Qeyd edək ki, Tramp məsələ ilə bağlı irəliləyişin tam olaraq nədən ibarət olduğu haqda məlumat verməyib.

Oxşar xəbərlər

"Washington Post": Tramp Putinlə telefon danışığı aparıb

Şolz: Tramp Kiyevdən yan keçməklə Putinlə sövdələşməyə getməyəcək

WP: Putin və Tramp telefonla Ukraynadakı münaqişəni müzakirə ediblər

Tramp Çin lideri Si Cinpini güclü insan adlandırıb