Nyu-York məhkəməsi sabiq prezident Donald Trampın porno aktrisa Stormi Danielsə pul ödəyərkən “Trump Organization” təşkilatının maliyyə sənədlərinin saxtalaşdırılması işi üzrə çıxarılacaq hökmü sentyabrın 18-dən noyabrın 26-na təxirə salıb.

Sizinxeber.az xəbər verir ki, bu haqda məlumatı NBC telekanalı yayıb

Telekanalın məlumatına görə, hakim Xuan Merçan Respublikaçılar Partiyasından prezidentliyə namizədin vəkillərinin dinləmənin noyabrın 5-də keçiriləcək prezident seçkilərindən sonra keçirilməsi ilə bağlı vəsatətini təmin edib.

Qeyd edək ki, bu ilin may ayının sonunda Tramp maliyyə saxtakarlığı işində 34 maddənin hər biri üzrə təqsirli bilinib. O, ABŞ tarixində münsiflər heyəti tərəfindən cinayətdə təqsirli bilinən ilk keçmiş prezident olub.

Oxşar xəbərlər

ABC Tramp-Harris debatı ilə bağlı məlumatı təsdiqləyib

ABŞ-da keçirilən son sorğuya görə Harris Trampdan 3 xalla önə keçib

ABŞ-da Trampın Harrisin intellektual qabiliyyətlərinə qarşı hücumları “pafoslu” hesab edilib