Respublikaçılar Partiyasından prezidentliyə namizəd Donald Tramp və onun demokrat rəqibi Kamala Harris sentyabrın 10-da teledebatda üz-üzə gələcək.

Sizinxeber.az xəbər verir ki, bu barədə ABC televiziyası məlumat yayıb.

"ABC News” sentyabrın 10-da prezidentliyə namizədlərin debatına ev sahibliyi edəcək. Vitse-prezident Harris və sabiq prezident Tramp ABC-də debata çıxacaqlarını təsdiqləyiblər", - deyə kanalın “X”-dəki səhifəsində deyilir.

Tramp bundan əvvəl növbəti seçki debatlarının “Fox News” kanalında keçirilməli olduğunu demiş və bunu ABC-nin qərəzli yanaşması ilə əlaqələndirmişdi.

Ümumilikdə Tramp sentyabrda Harrislə üç dəfə debata çıxmaq istəyir.

Oxşar xəbərlər

Tramp Kamala Harrislə tezliklə debata çıxacaqlarını bildirib

Donald Tramp əsas rəqibi Kamala Harrislə debata çıxacaq