Fransanın nüvə proqramının yaradılmasından bəri ilk dəfə olaraq Hərbi Tədqiqatlar İdarəsinin (DAM) əməkdaşları tətil elan ediblər.

Bu barədə "Le Canard enchaine" qəzeti məlumat yayıb.

Qeyd olunur ki, Atom Enerjisi və Alternativ Enerji Komissarlığının tərkibində fəaliyyət göstərən bu qurum Fransanın strateji silahları üçün nüvə başlıqlarının hazırlanmasına və istehsalına cavabdehdir.

Təxminən 5 min əməkdaşı olan idarənin işçiləri maaşların aşağı olmasından narazıdır. Qəzetin məlumatına görə, onların əməkhaqları son 17 ildə indeksləşdirilməyib.

Nəticədə, 2009-cu ildən bu yana əməkdaşların alıcılıq qabiliyyəti təxminən 30 faiz azalıb.

Nəşr bunu Prezident Emmanuel Makron üçün çətin vəziyyət kimi qiymətləndirir. Çünki o, martın 2-də Brest limanındakı Lonq adasında çıxış edərək Fransanın nüvə çəkindirmə potensialının əhəmiyyətini xüsusi vurğulamışdı.

Oxşar xəbərlər

Tətillər Fransanın enerji təchizatını pozub

Yeni Kaledoniya dövləti yaradılır

Emmanuel Makron Azərbaycan Prezidenti ilə görüşüb

Fransada Makrona qarşı etiraz aksiyası keçirilir

KİV: Fransanın Baş naziri istefasını təqdim etmək üçün Makronla görüşüb