Nyu-York Polisi ABŞ-dakı atışmada bir neçə silahlının iştirak etdiyini bildirib, təkcə bu il 272 insident baş verib - YENİLƏNİB

Polis Bruklindəki lounge-da baş verən mübahisədən sonra 3 nəfəri öldürüb, 8 nəfəri yaralayan bir neçə silahlını axtarır.

APA xəbər verir ki, bu barədə CNN məlumat yayıb.

Nyu-York Polis İdarəsinin komissarı Cessika Tiç bazar günü səhər tezdən keçirilən mətbuat konfransında bildirib.

“Polis əməkdaşları hadisə yerinə bir neçə dəqiqə sonra çatıblar və restoranda 11 nəfərin güllə yarası aldığını görüblər. 27 yaşlı kişi, 35 yaşlı kişi və yaşı məlum olmayan daha bir kişi hadisə yerində ölüb”, – Tiç bildirib.

Xəsarət alanların üçü qadındır. Polis rəisi bildirib ki, hadisə yerində ən azı 36 giliz aşkar olunub, həmçinin yaxınlıqda bir odlu silah tapılıb, onun atışma ilə bağlı olub-olmaması araşdırılır.

Polis inanır ki, hadisəyə restoran daxilində baş verən mübahisə səbəb olub və bir neçə silahlı iştirak edib. Hazırda heç bir şübhəli saxlanılmayıb.

“Gun Violence Archive”in məlumatına görə, təkcə bu il ABŞ-da 272 kütləvi atışma baş verib. Bruklin, Nyu-York, atışma, silahlı insident, polis, Taste of the City, Crown Heights, ABŞ, kütləvi atışma, qurbanlar, Jessica Tisch, Times Square, Manhetten

***

15:51

Nyu-Yorkun Bruklin rayonunda atışma olub.

APA xəbər verir ki, bu barədə New York Post məlumat yayıb.

Məlumata görə, ən azı üç nəfər həlak olub, səkkiz nəfər yaralanıb.

Atışma Franklin prospektində yerləşən restoranlardan birində baş verib. Yaralılar yerli xəstəxanalara çatdırılıb.