Gürcüstanda Azərbaycan, Türkiyə və Gürcüstan hərbi qulluqçularının iştirakı ilə “Eternity-2024” kompüter dəstəkli komanda-qərargah təlimi başlayıb.

Bu barədə "Report"a Azərbaycanın Müdafiə Nazirliyindən məlumat verilib.

Bildirilib ki, nəzəri və praktiki hissədən ibarət olan təlimdə üç ölkənin hərbi qulluqçuları və aidiyyəti dövlət qurumlarının nümayəndələri strateji əhəmiyyətli, regional iqtisadi layihələrin mühafizəsinin təşkili üzrə müxtəlif tapşırıqları yerinə yetirəcəklər.

İştirakçı ölkələrin silahlı qüvvələri arasında qarşılıqlı əməkdaşlığın gücləndirilməsi və uzlaşmanın təmin edilməsi məqsədilə keçirilən beynəlxalq təlim sentyabrın 27-dək davam edəcək.

Oxşar xəbərlər

Azərbaycan-Türkiyə-Gürcüstan komanda-qərargah təlimi başlayıb

Azərbaycan Ordusunun Baş Qərargah rəisi Qazaxıstanda səfərdədir

Batumidə Türkiyə-Azərbaycan-Gürcüstan müdafiə nazirlərinin üçtərəfli görüşü keçirilir

"Anadolu Ankası - 2024" təlimi davam edir

Azərbaycan-Gürcüstan-Türkiyə müdafiə nazirləri Batumidə görüşəcək