Azərbaycanın qəhrəman hərbçiləri şəhidlərimizin qisasını alıblar.

"Report"un Qərb bürosunun məlumatına görə, bunu 31 ildən sonra nəşinin qalıqları tapılaraq Gədəbəydə dəfn olunan şəhid Bilal Qəhramanovun bacısı Nazangül Qəhramanova bildirib.

"O, çox vətənpərvər oğul idi. Deyirdi ki, ana-bacılarımızın qisasını almadan ölməyəcəyəm. O, öz arzusuna çatdı, qisasını alaraq şəhid oldu. Lakin bizim arzumuz gözümüzdə qaldı, onun sağ-salamat evimizə dönməsini gözləyirdik. Şükür ki, qəhrəman hərbçilərimiz qardaşımın qisası alıblar. Başda cənab Prezidentimiz İlham Əliyev olmaqla, bu işlərdə əziyyəti keçən hər kəsə təşəkkür edirəm," - deyə şəhid bacısı bildirib.

Qeyd edək ki, Bilal Qəhrəman oğlu Qəhrəmanov 1970-ci il iyunun 1-də anadan olub. O, 1994-cü il yanvarın 4-də Ağdam rayonunun Qarakənd kəndi (“Çeyl” yüksəkliyi) istiqamətində itkin düşüb.

B.Qəhramanovun nəşinin qalıqları Gədəbəy Şəhidlər xiyabanında dəfn olunub.

Oxşar xəbərlər

Birinci Qarabağ müharibəsində şəhid olan Bilal Qəhrəmanovun qalıqları Gədəbəydə dəfn edilib - FOTO

Qalıqları dəfn edilən hərbçinin əmisi: Bu iki il ərzində dövlət, şəhid ailələri və qazilər bizi tək qoymadılar

Qalıqları dəfn edilən hərbçinin əmisi: Dövlət, şəhid ailələri və qazilər bu iki il ərzində bizi tək qoymadılar

Şəhid qardaşı: Onun tapılması üçün axtarışlara fasilə vermirdik

Birinci Qarabağ müharibəsində şəhid olan Cavanşir Hüseynov və Tahir Şirinovun qalıqları dəfn edilib