Azərbaycanın Milli Qəhrəmanı, Aprel döyüşləri şəhidi Pəncəli Teymurovun medalı ailəsinə təqdim olunub.

APA-nın cənub bürosunun verdiyi xəbərə görə, təqdimat mərasimi Müdafiə Nazirliyində keçirilib.

Təqdimat mərasimində müdafiə naziri general-polkovnik Zakir Həsənov, nazir müavinləri, hərbçilər, Milli Qəhrəmanın anası və qardaşı iştirak edib.

Qeyd olunub ki, Pəncəli Teymurov Vətən uğrunda göstərdiyi şücaət və qəhrəmanlığı ilə Azərbaycan Ordusunun tarixində xüsusi yer tutur və onun xatirəsi daim böyük ehtiramla anılır.

Ailə üzvləri şəhidin xatirəsinə göstərilən yüksək diqqət və dövlət qayğıya görə minnətdarlıqlarını bildiriblər.

Bildirilib ki, Aprel döyüşləri Azərbaycan hərb tarixində şanlı səhifələrdən biridir və Pəncəli Teymurov kimi igidlərin fədakarlığı gələcək nəsillər üçün örnək olaraq qalacaq.

Xatırladaq ki, Prezident İlham Əliyevin ötən il noyabrın 7-də imzaladığı Sərəncama əsasən, gizir Pəncəli Nurməmməd oğlu Teymurova ölümündən sonra Azərbaycanın Milli Qəhrəmanı adı verilib.

Oxşar xəbərlər

Hərbi prokuror şəhid Pəncəli Teymurovun ailəsində olub

Prezident Pəncəli Teymurova Milli Qəhrəman adı verdi

Aprel döyüşlərində şəhid olan hərbi pilotların xatirəsi yad edilib - VİDEO

Şəhid hərbi pilot Rəşad Atakişiyevin xatirəsi yad edilib

Sovet İttifaqı Qəhrəmanı Həzi Aslanovun 115 illiyi qeyd olunub - FOTO - VİDEO