Ermənistanın Baş naziri Nikol Paşinyana qarşı təhdidlərin yer aldığı video ilə bağlı cinayət işi başlanıb.

“Armenpress”in xəbərinə görə, bu barədə Ermənistan İstintaq Komitəsindən məlumat verilib.

Məlumata görə, bir qrup şəxs tərəfindən qətlə hazırlıq, kompüter təxribatı və odlu silah-sursatın qanunsuz dövriyyəsi ilə bağlı cinayət işləri başlanıb.

Bildirilib ki, onların şəxsiyyətinin müəyyən edilməsi üçün ilkin istintaq aparılır.

Qeyd edək ki, mayın 18-də sosial şəbəkələrdə yayılan videoda əli avtomatlı silahlı şəxslər Ermənistan və qondarma “Artsax”ın bayraqları fonunda Baş nazir Nikol Paşinyana qarşı təhdid səsləndirərək, onu ölümlə hədələyiblər.

Belə ki, videoda Paşinyana xitabən “hər şeyə görə cavab verəcəksən” deyilir.

Baş nazir Nikol Paşinyan "Vətəndaş Müqaviləsi" partiyasının seçkiqabağı kampaniyası zamanı videoya cavab verib. Baş nazir onu təhdid edən şəxslərin məsuliyyətə cəlb olunacağını vurğulayıb.

Oxşar xəbərlər

Ayxan Hacızadə Nikol Paşinyana cavab verib

Ermənistanda Paşinyanın saxta səs yazısı ilə bağlı cinayət işi açılıb

Paşinyanın partiyasının təşviqatına müdaxilə ilə bağlı cinayət işi açılıb, 6 nəfər həbs edilib

Ermənilər atəş açdı: Paşinyana Brüsseldə nə deyiblər?

Putin Paşinyanı Ermənistanın Müstəqillik Günü münasibətilə təbrik edib