Ermənistanın İstintaq Komitəsi sosial şəbəkələrdə əllərində avtomat olan maskalı şəxslərin ölkə bayrağı fonunda Baş nazir Nikol Paşinyanı hədələdiyi videonun yayılmasından sonra cinayət işi başladıb.

"Report" xəbər verir ki, bu barədə Ermənistan mediası İstintaq Komitəsinə istinadən məlumat yayıb.

Qeyd olunub ki, naməlum şəxslər kompüter şəbəkəsində olan və ümumi istifadə üçün nəzərdə tutulmayan məlumatlara icazəsiz giriş əldə ediblər. Bundan sonra xuliqanlıq niyyəti ilə Paşinyanın ünvanına ölüm təhdidinin yer aldığı videoyazını yayıblar.

Ermənistan Cinayət Məcəlləsinin qətlə hazırlıq, kompüter təxribatı və qanunsuz silah dövriyyəsi maddələri üzrə cinayət icraatı başlanılıb.

Oxşar xəbərlər

Ermənistanda Paşinyanın saxta səs yazısı ilə bağlı cinayət işi açılıb

Ermənistanda qəsəbə rəhbərinin evinə silahlı hücumla bağlı cinayət işi açılıb

Ermənistanda hakimiyyəti tənqid edən publisistə qarşı cinayət işi açılıb

Paşinyanın partiyasının təşviqatına müdaxilə ilə bağlı cinayət işi açılıb, 6 nəfər həbs edilib

Əli avtomatlı maskalı şəxslər Paşinyanı ölümlə hədələyib, cinayət işi açılıb