Bu ilin yanvar-sentyabr aylarında Azərbaycandakı mehmanxana (hotel) və mehmanxana tipli obyektlərdə keçirilmiş gecələmələrin sayı ötən illin eyni dövrü ilə müqayisədə 25,2 % artaraq 3 milyon 269 min olub.

"Report" bu barədə Dövlət Statistika Komitəsinə istinadən xəbər verir.

Məlumata görə, gecələmələrin ümumi sayının 60,4 %-i Bakıda, 5,6 %-i Xaçmazda, 4,3 %-i Naftalanda, 4,3 %-i Qusarda, 4,3 %-i Qubada, 4,0 %-i Qəbələdə, 3,6 %-i Şabranda, 2,4 %-i Lənkəranda, 1,2 %-i Qaxda, 1,1 %-i Masallıda, 1,0 %-i Şamaxıda, 1 %-i Naxçıvan Muxtar Respublikasında və 6,8 %-i digər şəhər və rayonlardakı mehmanxanalarda (hotellərdə) və mehmanxana tipli obyektlərdə qeydə alınıb.

Əcnəbilərin və vətəndaşlığı olmayan şəxslərin keçirdiyi gecələmələrin sayı 2023-cü ilin yanvar-sentyabr ayları ilə müqayisədə 27 % artaraq 1 milyon 772,2 min olmuşdur ki, bu da ümumi gecələmələrin 54,2 %-ni təşkil edir. Gecələmələrin ümumi sayının 19,9 %-i Hindistan, 13,8 %-i Rusiyaı, 8,7 %-i Səudiyyə Ərəbistanı, 7 %-i Türkiyə, 5,6 %-i Birləşmiş Ərəb Əmirlikləri, 3,6 %-i ABŞ, 3 %-i Küveyt, 2,8 %-i Qazaxıstan, 2,5 %-i İsrail, 2,5 %-i Böyük Britaniya, 2,4 %-i Pakistan, 2,2 %-i Özbəkistan, 2,1 %-i Çin, 1,3 %-i Almaniya, 1,1 %-i İtaliya, 21,5 %-i isə digər ölkələrin vətəndaşlarının payına düşüb.

Əcnəbilərin və vətəndaşlığı olmayan şəxslərin keçirdiyi gecələmələrin 81 %-i Bakıda, 4,7 %-i Qəbələdə, 4,3 %-i Qusarda, 3,7 %-i Naftalanda, 3,5 %-i Qubada, 0,6 %-i Şabranda, 2,2 %-i isə digər şəhər və rayonlardakı mehmanxanalarda qeydə alınıb.

Ölkə vətəndaşlarının mehmanxanalarda keçirdiyi gecələmələrin sayı 2023-cü ilin müvafiq dövrü ilə müqayisədə 23,1 % artaraq 1 milyon 496,8 min olub ki, bu da ümumi gecələmələrin 45,8 %-ini təşkil edir.

Oxşar xəbərlər

Azərbaycan mehmanxanalarında gecələmələrin sayı 36 % artıb

Azərbaycanda mehmanxanalarda gecələmələrin sayı 36% artıb

Azərbaycanda hotellərdə gecələmələrin sayı 25%-dən çox artıb

Azərbaycan hotellərinin gəlirləri 27 % artıb

Azərbaycanda mehmanxanaların gəlirləri 27% artıb