Rusiyalı müğənni Anna Sedakovanın keçmiş həyat yoldaşı olan basketbolçu Yanis Timma Moskvada ölü tapılıb.

"Sizinxeber.az" xarici KİV-ə istinadən xəbər verir ki, onun ölümünə kəskin tənəffüs çatışmazlığı (asfiksiya) səbəb olub.

2020-ci ildə ailə quran cütlük bu il dekabrın 9-da nikahlarını ləğv etmişdi. Ölümündən bir qədər əvvəl basketbolçu sosial şəbəkələrdə arxiv videosunu paylaşaraq keçmiş həyat yoldaşını ad günü münasibətilə təbrik edib.

32 yaşlı basketbolçunun cəsədi qaldığı oteldə aşkarlanıb. Yaxın vaxtlarda ekspertlər idmançının qanında qadağan olunmuş maddələrin olub-olmadığını təhlil edəcəklər.

Qeyd edək ki, müğənni və basketbolçu bir neçə il Moskvada birlikdə yaşayıb. Daha sonra Y.Timma NBA İnkişaf Liqasına keçib. Latviyalı idmançı ardından Türkiyənin "Darüşşafaka" və İspaniyanın "Obradoyro" klublarına transfer olunub.

Oxşar xəbərlər

"Ordu" klubu ispaniyalı basketbolçu ilə güclənib

"Sumqayıt" kanadalı basketbolçu transfer edib

NTD heyətini ABŞ-dən olan basketbolçu ilə gücləndirib

Azərbaycan klubu yeni basketbolçu transfer edib