Gənclər və İdman Nazirliyi, Azərbaycan Atletika Federasiyası (AAF) və "Zəfər" Qaçış Klubunun birgə təşkilatçılığı ilə "Prezident Kuboku" uğrunda tam məsafəyə marafon qaçışı keçiriləcək.

"Sizinxeber.az" xəbər verir ki, yarış dekabrın 21-22-də ölkədə 2024-cü ilin "İdman Paytaxtı" olan Qubada baş tutacaq.

Bu münasibətlə təşkilatçıların birgə iclası keçirilib. AAF-ın baş katibi Məhərrəm Sultanzadə qaçış marşrutunun şəhərin mərkəzi küçələrindən keçməsinin sakinlərə və şəhərin qonaqlarına gərgin idman mübarizəsinin şahidi olmaq imkanı yaradacağını və bununla da bu növə olan marağın daha da artacağına inandığını bildirib.

"Zəfər" klubunun direktoru Elşən Quliyev qaçış məsafəsinin 42 195 metr olacağını və müstəqilliyimiz bərpa edildikdən sonra Azərbaycanda ilk dəfə keçiriləcək tam məsafəyə marafon yarışı olacağını qeyd edib.

Toplantıda həmçinin AAF-ın beynəlxalq əlaqələr və inkişaf şöbəsinin müdiri Kənan Məhərrəmov, qaçış komitəsinin sədri Namiq Əsədov və digər iştirakçılar yarışın təşkili ilə bağlı məsələləri müzakirə ediblər.

Oxşar xəbərlər

"Qələbə qaçışı"nın qalibi: "11 ildən çoxdur uzun məsafəyə qaçış idmanı ilə məşğul oluram"

Fövqəladə Hallar Nazirliyinin atletika komandası yüksək nəticə göstərib

Kross qaçışı üzrə Azərbaycan payız çempionatı keçiriləcək

Paris-2024: Lamiyə Vəliyeva bu gün növbəti sınağına çıxacaq

Parisdə Yay Paralimpiya Oyunlarının bağlanış mərasimi keçirilib