Fransanın paytaxtı Parisdə keçirilən XXXIII Yay Paralimpiya Oyunlarında Azərbaycanı layiqincə təmsil edən idmançılarımızın ilk qrupu vətənə qayıdıb.

"Report" xəbər verir ki, onları Heydər Əliyev Beynəlxalq Aeroportunda Milli Paralimpiya Komitəsinin nümayəndələri, media mənsubları, azarkeşlər və idmançıların yaxınları qarşılayıblar.

Turnirdə 3 parataekvondoçu ilə təmsil olunan parataekvondo üzrə Azərbaycan milli komandasının üzvləri ümumilikdə 2 medal əldə ediblər. Belə ki, Azərbaycan parataekvondoçusu İmaməddin Xəlilov Yay Paralimpiya Oyunlarının qızıl, digər parataekvondoçu Sabir Zeynalov isə bürünc medalını qazanıb.

Azərbaycan millisi yekun sıralamada yalnız Türkiyə seçməsindən geri qalıb. Üçüncü sırada isə Böyük Britaniya komandası yer alıb.

Vətənə qayıdan paralimpiyaçılar Parisdə təşkil olunan Yay Paralimpiya Oyunlarında əldə etdikləri yüksək nəticələrlə bağlı sevinc hisslərini bölüşüblər.

Azərbaycanı uğurla təmsil etdiklərinə, möhtəşəm qələbələr qazandıqlarına görə iftixar hissi keçirdiklərini vurğulayıblar.

Qeyd edək ki, Azərbaycan nümayəndə heyəti Paris-2024 Oyunlarına 7 idman növü üzrə 18 idmançı ilə yollanmışdı. İndiyədək yığma üzvləri 3 qızıl, 1 gümüş və 1 bürünc medal qazanıblar.

Oxşar xəbərlər

Yay Olimpiya Oyunlarında iştirak edən idmançılarımızın növbəti qrupu Vətənə qayıdıb [xfgiven_updateblue][/xfgiven_updateblue]

Azərbaycan parataekvondoçusu tarixə düşüb [xfgiven_updateblue][/xfgiven_updateblue]

Bu gün Paris-2024 Yay Paralimpiya Oyunlarının açılış mərasimi keçiriləcək [xfgiven_updateblue][/xfgiven_updateblue]

Parataekvondoçumuz qızıl medal qazanıb ​​​​​​​ [xfgiven_updateblue][/xfgiven_updateblue]

Paris-2024 Yay Paralimpiya Oyunlarında Azərbaycanın bayraqdarları bəlli olub [xfgiven_updateblue][/xfgiven_updateblue]