Hər iki matçda daha yaxşı oynayıb uğurlu nəticə qazanmaq üçün əlimizdən gələni edəcəyik.

"Report" xəbər verir ki, bunu kişi voleybolçulardan ibarət Azərbaycan millisinin baş məşqçisi Fərid Cəlalov Avropa çempionatının təsnifat mərhələsinin oyunları ilə bağlı danışarkən deyib.

Mütəxəssis yarışa hazırlıqları yekunlaşdırdıqlarını bildirib: "Artıq ilk oyunumuz üçün Avstriyaya gəlmişik. Sabah Avstriya, bir həftə sonra isə Bakıda Belçika yığması ilə qarşılaşacağıq".

Cəlalov iyuldan start götürən toplanışın uğurla keçdiyini söyləyib: "Bakıda və Tbilisidə təlim-məşq toplanışları oldu. Gürcüstanda bu ölkənin yığma komandası ilə 3 yoxlama oyunumuz oldu. Bu oyunlarda bütün voleybolçuları oynatmağa çalışdım. Çünki hər bir idmançı üçün məşq nə qədər vacibdirsə, yarış və yoxlama oyunları da bir o qədər önəmlidir. Komandamızın ilk və son yoxlama matçlarındakı oyunları arasında böyük müsbət fərq hiss olunurdu. İnanıram ki, yaxşılığa doğru olan bu dəyişiklik bizim əsas oyunlarımızda da hiss olunacaq. Əsas məqsədimiz gəncləşən komandamızın oyun təcrübəsini və gənc voleybolçularımızda özlərinə inamı artırmaqdır".

Oxşar xəbərlər

Azərbaycanlı voleybolçu: Avropa çempionatının təsnifat mərhələsinə hazırlıqlar yaxşı keçir

Azərbaycan millisinin voleybolçusu: İlk qarşılaşmadan sonrakı yorğunluq sözünü dedi

Fərid Cəlalov: Çempion olmaq üçün əlimizdən gələni etməyə çalışdıq

Azərbaycan millisinin yeni baş məşqçisi: Bu komandada işləmək mənim üçün şərəfdir

Azərbaycan millisinin baş məşqçisi: Güləşçilərimiz qələbəyə köklənib