Bakıda təşkil olunan minifutbol üzrə dünya çempionatında qrup mərhələsinin oyunlarına yekun vurulub.

“Sizinxeber.az”un məlumatına görə, son olaraq azarkeşlər 8 görüşə şahidlik ediblər.

Qarşılaşmalar Milli Gimnastika Arenasında reallaşıb.

E qrupunda yer alan Monteneqro millisi İndoneziyanı 4:0 hesabı ilə məğlub edib. Qrupun digər görüşündə Tailand Kosta Rikanı 4:1 hesabı ilə üstələyib. Beləliklə, bu qrupda Monteneqro və Tailand komandaları 1/8 finala vəsiqəni təmin edib.

E qrupu

1. Monteneqro — 7 xal

2. Tailand — 7 xal

3. İndoneziya — 3 xal

4. Kosta Rika — 0 xal

F qrupunda Polşa - Bosniya və Herseqovina görüşündə qalib müəyyənləşməyib - 1:1. Qazaxıstan isə ABŞ-ni 5:3 hesabı ilə üstələyib. Polşa və Bosniya və Herseqovina növbəti mərhələyə adlayıblar.

F qrupu

1. Bosniya və Herseqovina — 5 xal

2. Polşa — 5 xal

3. Qazaxıstan - 4 xal

4. ABŞ — 1 xal

Bərabərə qalan Çexiya və Gürcüstan (2:2) yığmaları müvafiq olaraq G qrupunu ilk iki sırada tamamlayaraq 1/8 finala yüksəliblər. BƏƏ Argentinaya 4:1 hesabı ilə qalib gəlib, lakin hər iki komanda mübarizəni dayandırıb.

G qrupu

1. Çexiya— 7 xal

2. Gürcüstan - 7 xal

3. BƏƏ — 3 xal

4. Argentina — 0 xal

H qrupunda Qana üzərində qələbə qazanan (2:1) Serbiya qrup birinciliyini təmin edib. İspaniyadan güclü olan (4:2) İsrail isə qrup ikincisi kimi növbəti raunda keçib.

H qrupu

1. Serbiya — 9 xal

2. İsrail— 6 xal

3. İspaniya— 3 xal

4. Qana — 0 xal

Qeyd edək ki, 1/8 final mərhələsinin oyunlarına sabah start veriləcək.

Oxşar xəbərlər

Dünya çempionatı: Milli Gimnastika Arenasında I turun oyunlarına yekun vurulub

Bakıda keçirilən dünya çempionatında Bosniya və Herseqovina ABŞ yığmasına qalib gəlib

Bakıda keçirilən minifutbol üzrə dünya çempionatında ikinci gün arxada qalıb

Bakıda təşkil olunan minifutbol üzrə dünya çempionatında beşinci günə yekun vurulub

Minifutbol üzrə dünya çempionatı: Qrup mərhələsində növbəti oyunlar keçiriləcək