Ümummilli lider Heydər Əliyevin xatirəsinə həsr olunmuş dövlət qurumları arasında minifutbol turnirinin mükafatlandırma mərasimi keçirilib.

"Sizinxeber.az" xəbər verir ki, turnirin qalibi Ədliyyə Nazirliyinin komandasına qızıl, Qaçqınların və Məcburi Köçkünlərin İşləri üzrə Dövlət Komitəsinin təmsilçisinə gümüş, Daxili İşlər Nazirliyinin oyunçularına isə bürünc medallar təqdim olunub.

Həmçinin ən yaxşı oyunçu, ən yaxşı qapıçı seçilən komanda üzvlərinə və bombardirə xüsusi mükafatlar təqdim olunub.

Mükafatları qaliblərə Gənclər və İdman Nazirliyinin idman şöbəsinin rəhbəri Elnur Məmmədov, AFFA-nın icraçı vitse-prezidenti Sərxan Hacıyev və Azərbaycan Minifutbol Federasiyasının prezidenti Orxan Məmmədov təqdim edib.

Qeyd edək ki, Bakı Tennis Akademiyasında baş tutan həlledici matçda Ədliyyə Nazirliyinin komandası Qaçqınların və Məcburi Köçkünlərin İşləri üzrə Dövlət Komitəsinin kollektivini 3:0 hesabı ilə məğlub edib. Daxili İşlər Nazirliyinin komandası isə üçüncü olub.

Oxşar xəbərlər

Dövlət qurumları arasında minifutbol turnirinin qalibi bəlli olub

Ədliyyə Nazirliyinin komandasının baş məşqçisi: "Əzmkarlıq, döyüşkənlik göstərdik"

Minifutbol üzrə Azərbaycan çempionatının ən güclü komandaları və oyunçuları mükafatlandırılıb

Bakıda “Çempionların savaşı” turnirinin bağlanış mərasimi keçirilib

Dövlət qurumları arasında basketbol üzrə respublika birincilyinin qalibi məlum olub