“Milan” İtaliya kubokunun yarımfinal mərhələsinin cavab oyununda “İnter”i məğlub edərək, turnirin finalına yüksəlib.

“Report” xəbər verir ki, görüş “rossonerilər”in 3:0 hesablı qələbəsi ilə yekunlaşıb.

Oyunda Luka Yoviç dubl edib (36, 50-ci dəqiqə), Tijani Reynders isə daha bir qola imza atıb (85).

İki oyunun nəticəsinə əsasən, “İnter”i 4:1 hesabı ilə üstələyən komanda adını həlledici raunda yazdırıb.

İkinci finalçının adına bu gün təşkil olunacaq “Bolonya” - “Empoli” matçında aydınlıq gələcək. İlk görüşdə “Bolonya” 3:0 hesabı ilə qalib gəlib. Final matçı mayın 14-də baş tutacaq.

Hazırda kubokun sahibi “Yuventus” İtaliya kubokunda ən çox qalibiyyət rekorduna sahibdir.

Oxşar xəbərlər

“İnter” “Atalanta”nı məğlub edərək, İtaliya Superkubokunun finalına yüksəlib

"İnter" İtaliya Superkubokunun finalına yüksəlib

İtaliya çempionatı: "Milan" "İnter"lə heç-heçə edib

"Milan" "İnter"i məğlub edərək İtaliya Superkubokunun qalibi olub

İtaliya çempionatı: "Yuventus" "Milan"ı məğlub edib