Qısa müddətdə Avropa çempionatı kimi mötəbər yarışa təyinat alacağımı gözləmirdim.

"Report" xəbər verir ki, bunu 21 yaşadək futbolçulardan ibarət komandalar arasında Slovakiyada keçiriləcək Avropa çempionatının final mərhələsinə təyinat alan FIFA referisi Elçin Məsiyev AFFA-nın mətbuat xidmətinə açıqlamasında deyib.

Referi təyinatının sevindirici hal olduğunu söyləyib:

“Çox sevincliyik, olduqca vacib təyinatdır. Bu, əsas yığmaların Avropa çempionatından sonra UEFA-nın milli səviyyəsində ən böyük ikinci turniridir. Bildiyiniz kimi, ötən ilin dekabrında I kateqoriyaya yüksəldim. Bu səbəbdən qısa müddətdə belə mötəbər yarışa təyinat alacağımı gözləmirdim. Bu, bizə güvəndiklərini göstərir və ikiqat sevindiricidir. Avropa çempionatında ən yüksək səviyyədə iştirak etməyə çalışacağıq. Hədəfimiz uğurlu idarəçilik etmək və final matçına təyinat almaqdır”.

Qeyd edək ki, Avropa çempionatının final mərhələsi iyunun 11-28-i aralığında 16 komandanın iştirakı ilə Slovakiyada təşkil olunacaq.

Oxşar xəbərlər

Azərbaycanın FIFA referisi Avropa çempionatının final mərhələsinə təyinat alıb

Azərbaycanın FIFA referisi Avropa Liqasının oyununa təyinat alıb

FIFA referisi Elçin Məsiyev təyinat alıb

Azərbaycanın FIFA referisi pley-off matçına təyinat alıb

FIFA referisi İnqilab Məmmədov dünya çempionatına təyinat alıb