UEFA Millətlər Liqasının III turunda səfərdə Estoniya ilə qarşılaşacaq Azərbaycan millisi daha əvvəl bu rəqiblə 10 dəfə üz-üzə gəlib və yalnız iki oyunda qalib gəlib.

"Report"un məlumatına görə, tərəflər arasında ilk matç 1996-cı ilə təsadüf edib.

Kiprin Larnaka şəhərində gerçəkləşən yoldaşlıq görüşü qolsuz yekunlaşıb. Bir il sonra estonlar iki yoldaşlıq matçında qalib gəliblər - 2:0, 1:0.

Yığmalar 1998-ci ildə də iki dəfə görüşüblər. Estoniyanın Vilyandı şəhərində təşkil olunan beynəlxalq turnirə təsadüf edən qarşılaşmada hesab açılmayıb. Gəncədə reallaşan yoldaşıq matçında isə millimiz rəqibini 2:1 hesabı ilə üstələyib.

1999-cu ildəki yoldaşlıq görüşündə qollu bərabərlik qeydə alınıb - 2:2.

Komandalar üç il sonra Estoniyanın Kuressaare şəhərindəki yoldaşlıq oyununda qolsuz heç-heçəyə razılaşıblar.

Ardınca yığmalar 11 ildən sonra yoldaşlıq matçında üz-üzə gəliblər. 2013-cü ildə Tallində baş tutan qarşılaşmada meydan sahibləri qələbə qazanıblar - 2:1.

Nəhayət, komandalar 2023-cü ildə Avropa çempionatının seçmə mərhələsində rəqib olublar. Bakıda heç-heçə (1:1) edən millimiz Tallində iki cavabsız qolla qalib gəlib.

Qeyd edək ki, oktyabrın 11-də keçiriləcək Estoniya - Azərbaycan görüşü Bakı vaxtı ilə saat 20:00-da başlayacaq.

Oxşar xəbərlər

Çimərlik futbolu üzrə Azərbaycan millisi ikinci yoldaşlıq oyununda məğlub olub [xfgiven_updateblue][/xfgiven_updateblue]

Azərbaycanın U-17 millisi yoldaşlıq görüşü keçirib [xfgiven_updateblue][/xfgiven_updateblue]

Azərbaycan millisi Albaniya yığmasına uduzub [xfgiven_updateblue][/xfgiven_updateblue]

Azərbaycan millisi iki yoldaşlıq görüşü keçirəcək [xfgiven_updateblue][/xfgiven_updateblue]

"Spartak" növbəti dəfə "Neftçi" ilə yoldaşlıq oyunu təşkil etməyə çalışacaq [xfgiven_updateblue][/xfgiven_updateblue]