İspaniyanın "Barselona" klubunun müdafiəçisi Pau Kubarsi XXI əsrdə UEFA Çempionlar Liqasında qırmızı vərəqə alan ən gənc futbolçu olub.

"Report" "Opta Sport"a istinadən xəbər verir ki, bu, Kataloniya təmsilçisinin Portuqaliyada "Benfika"ya qalib gəldiyi 1/8 final mərhələsinin ilk matçında gerçəkləşib.

22-ci dəqiqədə meydandan qovulan ispaniyalı müdafiəçi 18 yaş 42 günündə bu halla üzləşib. Əsas heyətdə 65 görüş keçirən Kubarsi ilk dəfə qırmızı vərəqə ilə cəzalanıb.

Çempionlar Liqası tarixində qırmızı vərəqə alan ən gənc futbolçu nigeriyalı Selestin Babayarodur. O, 1994-cü ildə Belçika təmsilçisi "Anderlext"in heyətində 16 yaş 86 günündə meydandan qovulub.

Qeyd edək ki, "Barselona" "Benfika"nı 1:0 hesabı ilə üstələyib. Cavab görüşü martın 11-də baş tutacaq.

Oxşar xəbərlər

"Qarabağ"ın futbolçuları ötən mövsüm 6, son üç ayda isə 4 qırmızı vərəqə alıblar - ARAŞDIRMA

UEFA Çempionlar Liqası: "Barselona" səfərdə, "Atletiko" doğma divarlar arasında geridönüş edib

UEFA "Qarabağ"ın məşqçisini iki oyunluq cəzalandırıb

UEFA Çempionlar Liqası: Bu gün 1/8 finalın daha 4 matçı keçiriləcək

"Arsenal" Çempionlar Liqasında tarixi rekorda imza atıb