Konqo Demokratik Respublikasının milli komandası qarşıdan gələn futbol üzrə dünya çempionatında iştirak edəcək.

"Sizinxeber.az" "Reuters"ə istinadən xəbər verir ki, FIFA və ölkənin milli futbol federasiyası ABŞ-də Ebola epidemiyası fonunda tətbiq edilən sanitar tələblərə nümayəndə heyətinin uyğunluğunu təsdiqləyib.

Daha əvvəl komandanın nümayəndələrindən biri ABŞ hakimiyyətinin ölkəyə daxil olmadan əvvəl 21 günlük təcrid tələbinə baxmayaraq, turnirə hazırlığın plan üzrə davam edəcəyini bildirmişdi.

Dünya çempionatı iyunun 11-dən iyulun 19-dək ABŞ, Kanada və Meksikada keçiriləcək.

Ötən həftə Ümumdünya Səhiyyə Təşkilatı "Bundibucio" Ebola ştammının Konqo ərazisində yayılma riskinin çox yüksək olduğu barədə xəbərdarlıq etmişdi. Mövcud məlumatlara görə, ölkədə 1 000-dən çox ehtimal olunan yoluxma halı və 246 ehtimal olunan ölüm qeydə alınıb.

Konqo hakimiyyəti bildirib ki, ölkənin Futbol Federasiyası (FECOFA) bu həftə FIFA ilə danışıqlar aparıb, bundan sonra nümayəndə heyəti tibbi və sanitariya protokollarına tam uyğunlaşdırılıb.

Konqo millisi 52 ildən sonra ilk dəfə dünya çempionatında çıxış edəcək. Qrup mərhələsi çərçivəsində komanda iyunun 17-də Portuqaliya, iyunun 23-də Kolumbiya, həmçinin iyunun 27-də Özbəkistanla qarşılaşacaq.

Oxşar xəbərlər

Konqo DR-nin futbol millisi 2026-cı ilin dünya çempionatından kənarlaşdırıla bilər

Konqo DR-nin futbol millisi dünya çempionatından kənarlaşdırıla bilər

Konqoda Ebola epidemiyasının yeni dalğası qeydə alınıb

Konqodakı amerikalılar Ebola xəstələri ilə təmasda şübhəli bilinirlər

Meksika hakimiyyəti DÇ-2026 ərəfəsində Ebola virusuna qarşı tədbirləri gücləndirib