Noyabrın 7-də Heydər Əliyev adına İdman-Konsert Kompleksində akrobatika üzrə ölkə çempionatı və Bakı birinciliyi, bir gün sonra isə aerobika gimnastikası üzrə ölkə çempionatı, Bakı çempionatı və paytaxt birinciliyi keçiriləcək.

"Report" xəbər verir ki, akrobatika gimnastikası üzrə XXIX ölkə çempionatında Bakı Gimnastika Məktəbi, “Ocaq Sport”, “Neftçi” İdman Klubu, 13 nömrəli İxtisaslaşdırılmış Olimpiya Ehtiyatları Uşaq-Gənclər İdman Məktəbindən ümumilikdə 73 idmançı çıxış edəcək.

Üç günlük yarışlarda qadın cütlükləri, kişi cütlükləri, qarışıq cütlüklər, qadın qrupları və kişi qrupları balans, temp və qarışıq hərəkətlər proqramında qüvvələrini sınayacaqlar.

Noyabrın 8-də 8-ci dəfə startı veriləcək aerobika gimnastikası üzrə yarışda isə “Ocaq Sport” klubu və Sumqayıt Olimpiya İdman Kompleksindən 76 gimnast medallar uğrunda mübarizə aparacaq.

İdmançılar uşaqlar, yeniyetmələr və gənclər yaş kateqoriyalarına uyğun olaraq fərdi və üçlük proqramda çıxış edəcəklər.

Oxşar xəbərlər

Aerobika gimnastikası üzrə Azərbaycan birinciliyi keçiriləcək

Gənclər və İdman Nazirliyi müxtəlif nominasiyalar üzrə ilin ən yaxşılarını açıqlayıb

Cüdo üzrə Bakı şəhər çempionatı keçiriləcək

Güləş üzrə U-15 Azərbaycan çempionatı keçiriləcək

Azərbaycan Gimnastika Federasiyasının baş katibi mundialda qazanılan tarixi nəticəni dəyərləndirib