Azərbaycan millisinin daha üç boksçusu Monteneqronun Budva şəhərində keçirilən gənclər arasında dünya birinciliyində yarımfinala vəsiqə qazanıb.

Bu barədə "Sizinxeber.az"a Azərbaycan Boks Federasiyasının mətbuat xidmətindən məlumat verilib.

Aynur Mikayılova (57 kq) Reka Varqa Sara (Macarıstan) ilə qarşılaşıb. O, ilk raundda tam üstünlüklə qalib gələrək yarımfinala yüksəlib və özü üçün azı bürünc medalı təmin edib. Bu, ölkənin boks tarixində yeni rekorddur. Mikayılova fəxri kürsüyə qalxacaq ilk azərbaycanlı qız boksçu olacaq. Finala gedən yolda rəqib türkiyəli Pinar Benek olacaq.

Məhəmmədəli Qasımzadə (60 kq) də növbəti qələbəsini qazanıb. Boksçu Sandro Spicaya (Fransa) 5:0 (30:27, 30:27, 29:28, 29:28, 30:27) hesabı ilə qalib gəlib. O, yarımfinalda Platon Kozlovla (Rusiya) döyüşəcək.

Zidan Hümbətov (51 kq) isə 1/4 finalında gücünü Meroj Sufijonova (Tacikistan) göstərib. O, rəqibini 3:2 (27:30, 30:27, 30:27, 29:28, 28:29) hesabı ilə məğlub edib. Hümbətov yarımfinalda Castin Morena (Kolumbiya) ilə qüvvəsini sınayacaq.

1/4 final döyüşlərində qələbə qazanan təmsilçilərimiz özləri üçün azı bürünc medalı da təmin ediblər.

Beləliklə, dünya birinciliyinin yarımfinalında Azərbaycanın 5 idmançısı mübarizə aparacaq. Daha öncə Bilalhəbaşi Nəzərov (48 kq) və Əli Abdullayev (63,5 kq) də bu hüquqa yiyələnib.

Qeyd edək ki, yarımfinal mərhələsinin görüşləri bu gün keçiriləcək.

Oxşar xəbərlər

Azərbaycanın daha 3 boksçusu dünya birinciliyində 1/4 finala vəsiqə qazanıb

Azərbaycanın qadın boksçusu dünya birinciliyində ilkə imza atıb

Azərbaycanın 4 boksçusu dünya birinciliyində 1/4 finala yüksəlib

Azərbaycanın 2 boksçusu dünya birinciliyində qələbə qazanıb

Azərbaycanın 3 boksçusu dünya birinciliyində qələbə qazanıb