Azərbaycanın qadın boksçusu Aynur Mikayılova tarixi ilkə imza atıb.

"Report" xəbər verir ki, 57 kq çəkidə mübarizə aparan yığma üzvü Monteneqronun Budva şəhərində gənclər arasında keçirilən dünya birinciliyində bunu reallaşdırıb.

Mikayılova 1/4 finalda Reka Varqa Saraya (Macarıstan) ilk raundda tam üstünlüklə qalib gəlib. O, yarımfinala yüksəlməklə özü üçün azı bürünc medalı təmin edib. Bu, Azərbaycan boks tarixində ilkdir. İndiyədək ölkəmizin heç bir qız boksçusu dünya birinciliyində bu mərhələyədək irəliləməyib. Onun qazanacağı istənilən əyarlı medal isə boks tariximizə qızlardan ibarət yığmanın ilk mükafatı kimi düşəcək.

Qeyd edək ki, mundialda yarımfinal görüşləri sabah təşkil olunacaq.

Oxşar xəbərlər

Azərbaycanın daha 3 boksçusu dünya birinciliyində 1/4 finala vəsiqə qazanıb

Azərbaycanın 2 boksçusu dünya birinciliyində qələbə qazanıb

Azərbaycanın 3 boksçusu dünya birinciliyində qələbə qazanıb

Azərbaycanın 4 boksçusu dünya birinciliyində 1/4 finala yüksəlib

Avropa çempionatı: Azərbaycanın boks millisi ilk medalını rəsmiləşdirib