“Barselona”nın gənc hücumçusu Lamin Yamal “El-Klasiko” öncəsi “Real” haqda qalmaqallı açıqlama verib.

QOL.az xəbər verir ki, ondan “Real”ın İspaniyada keçirilən media-turnirdə yarışan “Porsinos” komandasına bənzəyib-bənzəmədiyi soruşulub. Buna cavabında Yamal gülümsəyərək cavab verib: “Bəli, əlbəttə. Onlar fırıldaq edir və şikayətlənirlər”.

Daha sonra ona “Real doğrudanmı fırıldaq edir?” sualı ünvanlanıb. Hücumçu gülərək qısa cavab verib: “Görəcəyik”.

“Real”ının baş məşqçisi Xabi Alonso Lamin Yamalın sözlərinə cavab verib.

Alonso məsələni şərh edərkən sakit mövqe nümayiş etdirib:

“Mən detallara varmaq istəmirəm. “Barselona”da çox açıqlamalar verilir və hamısını qiymətləndirmək mənim işim deyil. Ən vacibi meydanda baş verənlərdir”.

Qeyd edək ki, “Barselona” və “Real Madrid” La Liqanın 10-cu turunda qarşılaşacaq. Görüş oktyabrın 26-da keçiriləcək.

Oxşar xəbərlər

Lamin Yamal "Transfermarkt"ın ən bahalı futbolçusu olub

"Real" Xabi Alonso ilə 3 illik müqavilə imzalayacaq

"Real"ı məğlub edən "Barselona" La Liqada liderliyini möhkəmləndirib

"Barselona"nın futbolçusu "Real"la oyunda rekorda imza atıb